Clwb Rygbi Dinbych

Bigwn y cyfnod clo

Yn ystod y clo mawr yn 2020-2021 cyhoeddwyd y Bigwn Digidol ar-lein. Mae'r rhifynnau hynny yn dal ar-lein.

I ddarllen y Bigwn Digidol dewiswch y mis isod. Cewch restr o erthyglau'r mis. Dewiswch un ohonynt. Gallwch ddefnyddio botymau 'Nesaf' a 'Blaenorol' i symud o erthygl i erthygl yn eu trefn neu, wrth gwrs, fynd yn ôl i'r rhestr erthyglau a dewis un arall.

Clwb Rygbi Dinbych

Y newyddion mawr o Glwb Rygbi Dinbych ydi beth sydd ddim yn digwydd yn hytrach na beth sydd yn digwydd!!

Ym Mis Awst gwelwyd ymarfer rygbi yn dychwelyd ar draws Gymru. Ond, yn dilyn penderfyniad diweddar Lywodraeth Cymru i osod gwaharddiadau ychwanegol yn Sir Ddinbych, cymerodd Undeb Rygbi Cymru'r cam o ganslo ymarfer rygbi yn y sir. Cymysg iawn yw'r ymateb wedi bod, gyda nifer yn pryderu colli chwaraewyr i chwaraeon eraill, sydd yn parhau i gael eu chwarae. Wedi dweud hynny, symudodd y sefyllfa ymlaen yn dilyn cyflwyniad diweddaraf Mark Drakeford, ble nodwyd na fydd unrhyw rygbi neu unrhyw gêm arall cymunedol (amatur) yn cael ei chwarae tan 9fed Tachwedd ar y cyntaf.

Maes Ymarfer Newydd Tachwedd 2019

Maes Ymarfer Newydd Hydref 2020

Un datblygiad positif yn y Clwb ydi’r gwaith ar y cae ymarfer sydd wedi ei lefelu a chael draeniad newydd. Diolch yn fawr i’r criw o wirfoddolwyr o’r Clwb a fu’n brysur un dydd Sadwrn ym Medi yn casglu cerrig oddi ar wyneb y cae. Help mawr! Mae’r gwaith ar y cae ymarfer yn rhan o gynllun sylweddol i gaeau’r Clwb; y bwriad yn cynnwys prynu nifer o oleuadau newydd, a hefyd ymgymryd ȃ gwaith lefelu Maes Terry Bryer (‘cae'r Tîm Cyntaf’).

Gyda dim llawer o obaith o ddod yn ôl i chwarae rygbi yn y dyfodol agos, bu'r Grŵp Rheoli yn brysur ar brosiectau tymor byr e.e. adolygu ac addasu Cynllun Datblygu’r Clwb, adolygu polisïau a dogfennau’r Clwb, ac wrth gwrs, edrych sut i ymateb yn ariannol yn y sefyllfa bresennol.

Tegid Phillips